រាត្រីនៃគំនិតឆ្នាំ ២០២៦៖ ត្រួសត្រាយបើកផ្លូវ ជាមួយលោក សួង សុខរ៉ូ

កិច្ចពិភាក្សាជាមួយ សួង សុខរ៉ូ ប្រធានបទ "ភាសាបារាំង និងភាពជោគជ័យ ៖ មាគ៌ាឆ្ពោះទៅរកឧត្តមភាពផ្នែកសិក្សា និងផ្ទាល់ខ្លួន"

សព្វថ្ងៃនេះ យើងឃើញថា ភាសាអង់គ្លេស គឺជាភាសាដែលគេប្រើក្នុងទំនាក់ទំនងអន្តរជាតិទូទៅយ៉ាងទូលំទូលាយជាងគេ។ ចំណែកបរិបទប្រទេសកម្ពុជាក៏ដូចគ្នាដែរ មនុស្សភាគច្រើនងាកត្រឡប់ទៅរៀនភាសាអង់គ្លេស និងភាសាចិនជាភាសាបន្ទាប់។ ទោះជាយ៉ាងនេះក៏ដោយ ភាសាបារាំងនៅតែដើរតួយ៉ាងសំខាន់ក្នុងផ្នែកជាច្រើនដែលគេមិនអាចចៀសបាន។ ជាក់ស្តែងភាសាបារាំងនៅតែប្រើជាភាសាក្នុងទំនាក់ទំនងការទូតជាន់ខ្ពស់, ក្នុងស្ថាប័នអន្តរជាតិធំៗ, ផ្នែកច្បាប់, វេជ្ជសាស្ត្រ, ស្រាវជ្រាវវិទ្យាសាស្ត្រ និងសង្គមសាស្ត្រ, បុរាណវិទ្យា, អប់រំ និងវប្បធម៌ជាដើម។ល។ និស្សិតដែលរៀនភាសាបារាំង តែងមានឱកាសការងារច្រើនជាងនិស្សិតដែលរៀនតែមួយភាសា។ 

ជីវប្រវត្តិ ៖ លោក សួង សុខរ៉ូ អតីតនិស្សិតដែលបន្តការសិក្សារផ្នែកសង្គមសាស្ត្រ និងមនុស្សសាស្ត្រនៅប្រទេសបារាំង ហើយសព្វថ្ងៃក្លាយជាអ្នកស្រាវជ្រាវ ជាគ្រូបង្រៀន និងជាអ្នកប្រតិបត្តិការងារពាក់ព័ន្ធក្នុងវិស័យវប្បធម៌ នឹងមកចែករំលែកពីបទពិសោធន៍ផ្ទាល់ខ្លួន រួមនឹងសារៈសំខាន់នៃភាសាបារាំងក្នុងដំណើរទៅរកភាពជោគជ័យការងារ ក្នុងបរិបទប្រទេសកម្ពុជាសម្រាប់យុវជនជំនាន់ក្រោយ។