ឱកាសការងារ - ការផ្តល់សេវាកម្ម
ប្រភេទការងារ ៖ អ្នកផ្តល់សេវាផ្នែកប្រព័ន្ធផ្សព្វផ្សាយ សម្រាប់មជ្ឈមណ្ឌលភាសានៃវិទ្យាស្ថានបារាំងនៅកម្ពុជា
(IFC)
ថ្ងៃផុតកំណត់ដាក់ពាក្យ៖ ថ្ងៃទី១៥ ខែតុលា ឆ្នាំ២០២៥
វិទ្យាស្ថានបារាំងនៅកម្ពុជា (IFC) កំពុងស្វែងរកអ្នកផ្តល់សេវាផ្នែកប្រព័ន្ធផ្សព្វផ្សាយដែលមានបទពិសោធន៍ ដើម្បីដឹកនាំ
និងអភិវឌ្ឍយុទ្ធសាស្ត្រឌីជីថលនៃមជ្ឈមណ្ឌលភាសារបស់ខ្លួន។ ក្រោមការត្រួតពិនិត្យរបស់នាយិកាផ្នែកសិក្សា
និងដោយមានការសហការយ៉ាងជិតស្និទ្ធជាមួយប្រធានផ្នែកប្រព័ន្ធផ្សព្វផ្សាយរបស់ IFC
អ្នកផ្តល់សេវានឹងចូលរួមចំណែកយ៉ាងសកម្មក្នុងការផ្សព្វផ្សាយពីសក្ដានុពលនៃការសិក្សាភាសានៅវិទ្យាស្ថានបារាំង
ដល់អ្នកសិក្សាគ្រប់ស្រទាប់។
១. ប្រភេទកិច្ចសន្យា
- បេក្ខជនដែលត្រូវបានជ្រើសរើសនឹងបម្រើការក្នុងនាមជាអ្នកផ្តល់សេវាឯករាជ្យ។
- អ្នកផ្ដល់សេវាមិនស្ថិតក្រោមឋានានុក្រមណាមួយ ឬក្រោមកិច្ចសន្យាជាបុគ្គលិកក្របខណ្ឌ័ឡើយ។
- អ្នកផ្តល់សេវាត្រូវទទួលខុសត្រូវទាំងស្រុងចំពោះកាតព្វកិច្ចពន្ធដារ និងសន្តិសុខសង្គម គ្រឿងបរិក្ខាររបស់ខ្លួន ការរៀបចំបែងចែកការងារ និងបុគ្គលិករបស់ខ្លួនបើមាន។
- អ្នកផ្តល់សេវា និង បុគ្គលិករបស់ខ្លួន (បើមាន) ត្រូវមានប័ណ្ណការងារ និងទិដ្ឋាការដែលមានសុពលភាព និងដែលអនុលោមតាមច្បាប់ជាធរមាន។ ពួកគេសន្យាផ្តល់តាមការស្នើសុំនូវរាល់ឯកសារខាងលើដែលត្រូវមានសុពលភាពចាប់តាំងពីមុនពេលចាប់ផ្តើម និងកំឡុងពេលផ្ដល់សេវាកម្ម។
២. បេសកកម្ម និងទំនួលខុសត្រូវ
អ្នកផ្តល់សេវាទទួលបន្ទុកចំពោះយុទ្ធសាស្ត្រឌីជីថលរហូតដល់ការដាក់ឲ្យអនុវត្តជាក់ស្ដែង ដោយមានទំនួលខុសត្រូវដូចខាងក្រោម៖
- ធ្វើការវាយតម្លៃទាំងស្រុងលើមធ្យោបាយ និងប្រព័ន្ធផ្សព្វផ្សាយឌីជីថលបច្ចុប្បន្ន ដែលកំពុងអនុវត្តជាក់ស្ដែងនៅមជ្ឈមណ្ឌលភាសា។
- កំណត់ចំណុចខ្លាំង ចំណុចដែលគួរកែលម្អ និងឱកាសអភិវឌ្ឍន៍ សំដៅធ្វើឲ្យមជ្ឈមណ្ឌលភាសាមានភាពមើលឃើញកាន់តែទូលំទូលាយលើប្រព័ន្ធផ្សព្វផ្សាយ។
-
កំណត់យុទ្ធសាស្ត្រឌីជីថលប្រកបដោយភាពច្នៃប្រឌិតដើម្បី៖
a. ទាក់ទាញអ្នកសិក្សាថ្មីៗ
b. ជម្រុញឲ្យមានការចូលរួមពីសហគមន៍អ្នកសិក្សាដែលមានស្រាប់
c. លើកតម្លៃការផ្តល់ជូនពិសេសនៃវគ្គសិក្សានីមួយៗ
- ស្វែករក ដៃគូពាក់ព័ន្ធ ដើម្បីពង្រីកលទ្ធភាពនៃយុទ្ធនាការនៃការផ្ដល់ជូនពិសេស
ការបង្កើតមាតិកា និងសម្របសម្រួលកម្មវិធី
- គ្រប់គ្រង និងសម្របសម្រួលលើបណ្តាញសង្គមរបស់មជ្ឈមណ្ឌលភាសាជារៀងរាល់ថ្ងៃ (Facebook, Instagram);
- បង្កើត និងចែកចាយមាតិកាដែលទាក់ទាញ (អត្ថបទ រូបភាព វីដេអូ) ឲ្យស្របទៅនឹងវេទិកានីមួយៗ។
- រៀបចំ និងផ្សព្វផ្សាយព្រឹត្តិការណ៍ (តាមអ៊ីនធឺណិត ឬដោយផ្ទាល់) ក្នុងគោលបំណងពង្រឹងសហគមន៍ និងពង្រឹងកេរ្តិ៍ឈ្មោះរបស់មជ្ឈមណ្ឌល។
ការវិភាគ
- តាមដាន និងវិភាគដំណើរការសកម្មភាពដែលបានអនុវត្ត (សូចនាករ មតិប្រតិកម្ម អន្តរកម្ម-ល-)។
- លើកសំណើកែសម្រួលយុទ្ធសាស្ត្រដោយផ្អែកលើទិន្នន័យដែលប្រមូលបាន។
- រៀបចំ និងផ្សព្វផ្សាយព្រឹត្តិការណ៍ (តាមអ៊ីនធឺណិត ឬដោយផ្ទាល់) ក្នុងគោលបំណងពង្រឹងសហគមន៍ និងពង្រឹងកេរ្តិ៍ឈ្មោះរបស់មជ្ឈមណ្ឌល។
៣. ប្រវត្តិរូប និងជំនាញបច្ចេកទេសសំខាន់ៗ
បទពិសោធន៍ដែលចង់បាន
- ធ្លាប់មានបទពិសោធន៍នៅក្នុងប្រព័ន្ធផ្សព្វផ្សាយ ឬក្នុងគម្រោងឌីជីថល។
- ប្រសិនមានបទពិសោធន៍ជាក់លាក់ក្នុងការលើកកម្ពស់សេវាអប់រំ ឬវប្បធម៌ រឹតតែប្រសើរ។
ជំនាញ បច្ចេកទេស
- ជំនាញគ្រប់គ្រងបណ្តាញសង្គម និងវេទិកាផ្សព្វផ្សាយពាណិជ្ជកម្ម ( TikTok , Facebook Ads , Instagram, LinkedIn -ល-)។
- ចំណេះដឹងអំពីបច្ចេកទេសទីផ្សារឌីជីថល (SEO/SEA, Google Ads និងការវិភាគការអនុវត្តសកម្មភាព)។
- ជំនាញសរសេរ៖ ភាសាខ្មែរ និងអង់គ្លេសបានយ៉ាងស្ទាត់ជំនាញ សម្រាប់បង្កើតខ្លឹមសារទាក់ទាញ។ បើអាចប្រើប្រាស់ភាសាបារាំងថែមទៀត រឹតតែប្រសើរ ។
- ជំនាញផ្នែកកម្មវិធីរចនាក្រាហ្វិក (ឧ. Canva ជាដើម) សម្រាប់ការផលិតផ្ទាំងមាតិកា។
- បទពិសោធន៍ក្នុងការកាត់តវីដេអូខ្លីៗ និងមានភាពរស់រវើក។
៤. រយៈពេល និងទីកន្លែងធ្វើការ
- កិច្ចសន្យាផ្ដល់សេវាកម្ម សម្រាប់រយៈពេល 3 ខែ និងអាចបន្តបាន អាស្រ័យលើលទ្ធផលអនុវត្តជាក់ស្ដែង។
- ទីតាំង៖ នៅភ្នំពេញ ដោយធ្វើនៅនឹងកន្លែង តាមកាលវិភាគរបស់វិទ្យាស្ថាន និងពេលខ្លះអាចតម្រូវឲ្យធ្វើការពីចម្ងាយ។
៥. លក្ខខណ្ឌហិរញ្ញវត្ថុ និងការចេញវិក្កយបត្រ
- កញ្ចប់ប្រចាំខែ (ត្រូវបានបញ្ជាក់នៅក្នុងប្រកាស); អត្រាថេរ និងមិនអាចកែប្រែបានក្នុងអំឡុងពេលបំពេញការងារ។
- ចេញវិក្កយបត្រប្រចាំខែ ដោយមានការត្រួតពិនិត្យ និងឯកភាព។ វិក្កយបត្រត្រូវមានលក្ខណៈអនុលោមតាមច្បាប់។
- កាលបរិច្ឆេទទូទាត់ប្រាក់៖ ៣០ថ្ងៃចុងខែបន្ទាប់ពីទទួលបានវិក្កយបត្រ និងមានការឯកភាព។
- អ្នកផ្តល់សេវាធានាអះអាងថាបានបំពេញលក្ខខណ្ឌតាមបទប្បញ្ញត្តិពន្ធដារនិងសេវាសន្តិសុខសង្គម ដែលអនុវត្ត ក្នុងប្រទេសកម្ពុជា។ ពន្ធណាមួយដែលតម្រូវដោយច្បាប់នឹងត្រូវបានអនុវត្តប្រសិនបើមាន។
៦. សំនុំឯកសារសម្រាប់ដាក់ពាក្យ
- លិខិតបង្ហាញពីចេតនានៃការដាក់ពាក្យ + បង្ហាញពីវិធីសាស្រ្ត (ការរៀបចំ ឧបករណ៍ ប្រតិទិន បទពិសោធន៍-ល-)។
- កម្រងប្រវត្តិរូប (តំណភ្ជាប់ / គំរូ) (ប្រសិនបើមាន)។
- សំណើហិរញ្ញវត្ថុលម្អិត។
- លិខិតបញ្ជាក់ពីការចុះបញ្ជីឈ្មោះជាអ្នកផ្តល់សេវា (ប្រសិនបើមាន)។
របៀបដាក់ពាក្យ
- ស្ថានភាពរដ្ឋបាល៖ ការផ្តល់សេវា (ដោយចេញវិក្កយបត្រ)។
- ថ្ងៃផុតកំណត់ទទួលពាក្យ៖ ថ្ងៃទី១៥ ខែតុលា ឆ្នាំ២០២៥។
- ផ្ញើសំណុំឯកសារតាមរយៈអ៊ីមែលទៅ៖ nicolas.dumont@ifcambodge.com – ដោយបញ្ជាក់ក្នុងកម្មវត្ថុ៖ AO Communication and social networks provider – IFC Language Center។
- សំណុំឯកសាររបស់បេក្ខភាពដែលមិនពេញលេញ ឬយឺតយ៉ាវ នឹងមិនត្រូវបានយកមកពិនិត្យឡើយ។